प्रधानमन्त्रीलाई विश्वासको मत दिन कांग्रेसको ह्विप

नेपाली कांग्रेसले प्रधानमन्त्री पुष्पकमल दाहाल प्रचण्डलाई विश्वासको मत दिन ह्विप जारी गर्ने भएको छ।

कांग्रेस संसदीय दलको आइतबार बसेको बैठकले विश्वासको मत दिन ह्विप लगाउने निर्णय गरेको प्रमुख सचेतक रमेश लेखकले जानकारी दिएका छन्।

आज नै बसेको कांग्रेस कार्यसम्पादन समितिको बैठकले प्रधानमन्त्रीलाई विश्वासको मत दिने र सरकारमा सहभागी हुने निर्णय गरेको छ। प्रधानमन्त्री प्रचण्डले भोलि सोमबार विश्वासको मत माग्ने तय भएको छ।

कांग्रेसले सरकारमा मन्त्री पठाउन मापदण्ड पनि तय गरेको छ। योग्यता, योगदान, समावेशिता र प्रादेशिक सन्तुलनलाई मध्यनजर राखेर सरकारमा मन्त्री पठाउने निर्णय भएको प्रवक्ता प्रकाशशरण महतले जानकारी दिए।