सत्ता गठबन्धनमा मिसिए प्रभु साह

काठमाडौं- आठ दलीय गठबन्धनको बैठकमा स्वतन्त्र चुनाव जितेका सांसद प्रभु साह पनि मिसिएका छन्। प्रधानमन्त्री निवास बालुवाटारमा शनिबार बिहान जारी बैठकमा प्रभु साह पनि सहभागी भएको बताइएको छ।

बैठकले उपराष्ट्रपतिको उम्मेदवारको टुंगो लगाउने छ। चैत ३ गते हुने उपराष्ट्रपतिको निर्वाचनका लागि शनिबार उम्मेदवारी दर्ता हुँदैछ।

बैठकमा प्रधानमन्त्री पुष्पकमल दाहाल 'प्रचण्ड', कांग्रेस सभापति शेरबहादुर देउवा, जसपा अध्यक्ष उपेन्द्र यादव, एकीकृत समाजवादीका अध्यक्ष माधवकुमार नेपाल, लोसपा अध्यक्ष महन्थ ठाकुर, जनमत पार्टीका अध्यक्ष सीके राउत, नेपाल समाजवादी पार्टीका अध्यक्ष डा बाबुराम भट्टराई लगायतको उपस्थिति छ।

यसअघि शुक्रबार बसेको गठबन्धनका दोस्रो तहका नेता सम्मिलित संयन्त्रको बैठक बिनानिष्कर्ष टुंगिएको थियो।