उपराष्ट्रपतिको उम्मेदवार तय गर्न एमालेले बोलायो सचिवालय बैठक

काठमाडौं- उपराष्ट्रपतिको उम्मेदवारबारे निर्णय गर्न नेकपा एमालेले आज केन्द्रीय सचिवालय बैठक बोलाएको छ। बैठक शनिबार बिहान ९ बजे बस्नेगरी बोलाएको उपमहासचिव पृथ्वीसुब्बा गुरुङले जानकारी दिए।

उनका अनुसार बैठकले उपराष्ट्रपतिको उम्मेदवारबारे निर्णय गर्नेछ। साथै राष्ट्रपति निर्वाचनबारे समेत बैठकमा समीक्षा हुने बताइएको छ। उपराष्ट्रपतिका लागि निर्वाचन आयोगले शनिबार उम्मेदवारी दर्ताको कार्यतालिका तोकेको छ।

राष्ट्रपतिमा एमालेले उपाध्यक्ष सुवास नेम्वाङलाई उम्मेदवार बनाएको थियो। नेम्वाङलाई हराउँदै आठ दलीय सत्ता गठबन्धनबाट रामचन्द्र पौडेल निर्वाचित भइसकेका छन्। उपराष्ट्रपतिको चुनाव ३ चैतमा हुनेछ।