उपराष्ट्रपतिमा जसपालाई एमालेको समर्थन

काठमाडौं–  एमालेले उपराष्ट्रपति निर्वाचनमा उम्मेदवारी नदिएर जसपालाई समर्थन गर्ने भएको छ। एमालेले आठ दलीय गठबन्धनबाट लालमोहर लागेका जनता समाजवादी पार्टी (जसपा)का उपराष्ट्रपति उम्मेदवार रामसहायप्रसाद यादवविरुद्ध उम्मेदवार नउठाउने भएको हो। 

उपराष्ट्रपति उम्मेदवारबारे छलफल गर्न जसपा कार्यकारिणी समितिको बैठक बसिरहेको छ। बैठकले उपराष्ट्रपति उम्मेदवारबारे निर्णय गर्नेछ। 

उपराष्ट्रपति निर्वाचन ३ चैतमा हुँदै छ। उपराष्ट्रपति निर्वाचनका लागि २७ फागुनमा उम्मेदवारको मनोनयनपत्र दर्ता गर्ने कार्यक्रम निर्वाचन आयोगले सार्वजनिक गरिसकेको छ।