नेपालले युएईलाई दियो २३० रनको लक्ष्य

काठमाडौं– आईसीसी विश्वकप लिग २ अन्तर्गत जारी खेलमा नेपालले २३० रनको लक्ष्य प्रस्तुत गरेको छ। दुबई अन्तर्राष्ट्रिय रंगशालामा मा भइरहेको खेलमा टस जितेर पहिले ब्याटिङ गरेको नेपालले पूरा ओभर खेलेर ८ विकेट गुमाउँदै २२९ रन बनाएको हो।

युएईविरुद्धको खेलमा पाँचौं नम्बरमा ब्याटिङ गर्न आएका भीम सार्कीले पहिलो एकदिवसीय अर्धसतक पूरा गरे।
शनिबार भइरहेका खेलमा ७८ बलमा ५ चौकासहित अर्धसतक पूरा गरेर सार्कीले खराब सुरुआत गरेको नेपालको खेललाई सम्हाले।

६८ रनमा ५ विकेट गुमाएर खराब प्रदर्शन गरिरहेको नेपालका लागि सार्की र सन्दीप लामिछानेले ५६ रनको साझेदारी गर्दै नेपालको १०० रन हानेका थिए। तर ३२औं ओभरको दोस्रो बलमा लामिछानेले व्यक्तिगत २७ रनमा क्याचआउट हुँदै ४० बल खेलेर १ चौका हिर्काए।

नेपालका लागि ज्ञानेद्र मल्लले ११, आशिफ शेख ६, कुशल मल्ल ३२, रोहित पौडेल १, दीपेन्द्र सिंह ऐरी ४ रनमा आउट भए। युएईका लागि जुनाइद सिद्धिकी र आयन लाक्राले २–२ तथा रोहन मुस्ताफा र कार्तिक मैयाप्पनलेले १–१ विकेट लिए।