नेपाली महिला भलिबल टिमले मनायो होली

काठमाडौं- नेपाली महिला राष्ट्रिय भलिबल टिमले बन्द प्रशिक्षणमै होली पर्वको उत्सव मनाएको छ। नेपाली महिला भलिबल टिमले आउँदो महिनामा हुने साउथ एसियन काभा महिला भलिबल च्यालेन्ज कपको लागि बन्द प्रशिक्षणमा रहेको नेपाली महिला टिमले होली उत्सव मनाएको हो।

नेपाली टिम गएको यही फागुन ७ गतेबाट बन्द प्रशिक्षणमा रहेको छ। नेपाल भलिबल संघले यो बन्द प्रशिक्षण चीनमा हुने एसियाली खेलकुदका लागि पनि रहेको बताएका छन्।

च्याम्पियनसिपको लागि भलिबल संघले २१ सदस्सिय टिम घोषणा गरेको थियो। नेपाले यसअघि लगातार दुई पटक सेन्ट्रल जोन भलिबलको उपाधि जितेको थियो। त्यसपछि राष्ट्रिय खेलकुद परिषद्ले महिला भलिबल टिमलाई एसियाली खेलकुदमा पनि समावेश गर्ने जानकारी दिएको हो।