हामी के गर्न सक्छौं भन्ने कुराको उदाहरण हो : क्लोप

काठमाडौं– इंग्लिस प्रिमियर लिगमा सातौं स्थानको लिभरपुलले तेस्रो स्थानको युनाइटेडलाई आइतबार राति ७–० ले हराएपछि लिभरपुलका प्रशिक्षक योर्गेन क्लोपले आफ्नो टिमे पुरा क्षमताका साथ खेलेको बताएका छन्। गएराति लिभरपुलेको एनफिल्ड रंगशालामा घरेलु ठिमे युनाइटेलाई ठूलो गोलअन्तरले हराएको थियो।

खेलभरी निरिह रहेको युनाइटेडले एक गोलसमेत फर्काउन सकेन। त्यसैले शताब्दिमै बेहोरेको कमै ठूलो हार म्यानचेस्टर युनाइटेडले गएराति बेहोरेको थियो। त्यो खेलमा जित निकाल्न टिमका प्रशिक्षक क्लोपले आफ्नो क्लब यो हप्ता धेरै महत्वकांक्षी बनेको बताएका छन्।

उनले भने, ‘हामीले चाहेजसरी नै क्लबलाई अघि बढाउनको लागि उर्जा मिलेको छ। यो जितले हामीलाई सही दिशा पनि प्रदान गरेको छ। र, सबैलाई थाहा छ हामी शीर्ष चारको वरिपरिरहेका छौं।’

उनले अगाडि भने, ‘यो एउटा प्रपर सो हो कि हामीले के गर्न सक्छौं र अब अघि के गर्नुपर्छ।’ गएराति लिभरपुललाई जित दिलाउन मोहम्मद सलाह, डार्विन नुनेज र कोडी गोक्पोले समान २–२ गोल गरेका थिए। त्यस्तै, रोबर्टो फर्मिनोले पनि एक गोल गरेका थिए। यो जितसँगै लिभरपुलले २५ खेलबाट ४२ अंक बनाएको छ।