डिफेन्डिङ च्याम्पियन मछिन्द्र पहिलो खेलमै पराजित

काठमाडौं- सहिद स्मारक ए डिभिजन लिगको साविक विजेता मन्छिन्द्र क्लब दुई दिन अघिबाट सुरु भएको लिगको पहिलो खेलमै पराजित भएको छ। आइतबार साँझ दशरथ रंगशालामा सम्पन्न खेलमा डिफेन्डिङ च्याम्पियनसले जावलाखेल युथ क्लबसँग ३–१ को हार बेहोरेको हो।

खेलको पहिलो हाफमा गोल गर्दै मछिन्द्रले एक गोलको अग्रता बनाएको थियो। खेलको २३ औं मिनेटमा मछिन्द्रका देवेन्द्र तामाङले गोल गरेका थिए। तर पहिलो हाफमा बनाएको अग्रता मछिन्द्रले जोगाउन सकेन।

दास्रो हाफमा जावलाखेलले तीन गोल फर्कायो। जावलाखेलेका लागि हिसुब थपलिया, एनकोटो मोसाबी र कप्तान सिमान्त थापाले समान १–१ गोल गरेका थिए।

सहिद स्मारक ए डिभिजन लिगमा मछिन्द्रले १९ खेलदपछी हार बेहोरेको हो। ए डिभिजनमा रहेका बाँकी सबै टिमभन्दा धेरै खेलमा जित निकालिरहेको उसले आज हार बेहोर्‍यो।
यो जितसँगै जवालाखेलले तीन अंक जोडेको छ भने पहिलो चरणमा मछिन्द्र अंकविहिन रहेको छ।