तेस्रो अन्तर्राष्ट्रिय कराँतेमा नेपाललाई दुई स्वर्ण

काठमाडौं- नेपालले तेस्रो अन्तर्राष्ट्रिय कराँते प्रतियोगितामा २ स्वर्ण पदक जितेको छ। स्वर्णका अलावा नेपालले थप २ रजत पदक पनि जित्यो।
श्रीलंकाको रतनापुरा ईन्डोर स्टेडियममा भएको प्रतियोगितामा नेपालका ५ खेलाडी सहभागी थिए। 

नेपालका लागि ९ वर्ष उमेर समूहमा सन्यम कँडेल तथा ७५ केजीमा कमरुद्दिन अलिले स्वर्ण पदक जितेका छन्। पुरुषोत्तम पोखरेल र शोभाखर पन्थ रजत पदकमा सिमित भए। 

मार्च ४ तारिखमा भएको प्रतियोगितामा नेपाल, भारत, बङ्गलादेश, पाकिस्तान र श्रीलंकासहित ५ राष्ट्रको सहभागिता रहेको थियो।
नेपाली कराँते टोलीको नेतृत्व नेपाल कराँते महासंघ महासचिव एवं दक्षिण एसियाली वादोरियो कराँते महासंघका अध्यक्ष हरिशरण केसीले गरेका थिए। टिम व्यवस्थापकमा जेनिश पन्थी थिए।