माओवादी कांग्रेसको ढोक्सामा परेको होइन : महरा

उदयपुर– नेकपा माओवादी केन्द्रका उपाध्यक्ष कृष्णबहादुर महराले आफूहरु कांग्रेसको ढोक्सामा परेको नभई संविधान र गणतन्त्रको रक्षा गर्दै शान्ति प्रक्रियाको बाँकी काम पूरा गर्न सहकार्य गरेको बताएका छन्।

उदयपुरको कटारीमा शनिबारदेखि सुरु भएको एकीकृत अखिल नेपाल शिक्षक संगठन, कोसी प्रदेशको दोस्रो सम्मेलन अवसरमा उपाध्यक्ष महराले यस्तो बताएका हुन्। उनले आठ दलका साझा उम्मेदवार रामचन्द्र पौडेल राष्ट्रपतिमा जित्ने दाबी गरे।

राष्ट्रपतिको दायित्व नै संविधान तथा गणतन्त्रको रक्षा एवं शान्ति प्रक्रियाको काम पूरा गर्नु भएकाले हामीले यो समीकरण बनाएका हौं’, उनले भने।