नेपालको पाँच विकेट गयो, देव खनालले बनाए अर्धसतक

काठमाडौं– आईसीसी यू १९ विश्वकप अन्तर्गतको एसिया छनोटमा नेपाली खेलाडी देव खनालले अर्धसतक बनाएर आउट भएका। बलियो टोली युएईविरुद्ध नेपाली टिमका कप्तान देव खनालले अर्धसतक पुरा गरेका हुन्।

युएईको मलेख मैदानमा अहिले जारी खेलमा नेपालले पहिले ब्याटिङ गरिरहेको छ। यसक्रममा नेपालले पाँच विकेट भने गुमाइसकेको छ।

नेपालका दिपक बोहरा शुन्य रनमै आउट भएका छन् भने तीन रन जोडेर अर्जुन कुमाल पनि बाहिरिएका छन्। त्यस्तै, आकाश त्रिपतिले पनि ९ रन मात्र जोड्न सके भने उत्तम मगरले ३६ रनको योगदान दिएका छन्।

यता कप्तान देव खनलले भने ८४ बलमा ५१ रन बनाएका छन्। युएईका हरित सेट्टीले दुई विकेट लिए  भने हरिस सेठ, कप्तान आयान खान र अम्मर बदामीले पनि समान १–१ विकेट गिराएका छन्।