म्यानचेस्टर युनाइटेड र शेफिल्ड एफए कपको क्वार्टरफाइनलमा, बाहिरियो टोटेनहम

काठमाडौं– प्रिमियर क्लब म्यानचेस्टर युनाइटेड र शेफिल्ड एफए कपको क्वार्टरफाइनलमा प्रवेश गरेका छन्। इंग्लिस एफए कपको बुधबार राति सम्पन्न भएको खेलमा जित निकाल्दै यी दुई क्लब क्वार्टरफाइनलमा पुगेका हुन्।्

युनाइटेडको ओल्ड ट्राफोर्ड रंगशालामा भएको खेलमा युनाइटेडजे वेस्ट ह्यामविरुद्ध ३–१ को जित निकाल्दै अर्को चरणमा स्थान बनाएको हो। तर खेलको पहिलो हाफ गोलरहित बराबरी भएको थियो। खेलको ६४औं मिनेटमा वेस्ट ह्यामका सेड बेन्राहमाले गोल गरेका थिए।

यता, नायाफ अगुवेर्डले आत्मघाति गोल गरेका थिए भने अलेक्जेन्द्रो र फ्रेडले युनाइटेडका लागि खेलको ९०औं र इन्ज्युरी समयमा गोल फर्काएका थिए।

त्यस्तै शेफिल्डको मैदानमा भएको खेलमा भने टोटेनहमले हार बेहोरेको छ। शेफिल्डका घरेलु समर्थकमाझ भएको खेलमा टोटेनहमले १–० को हार बेहोरेको हो। यो हारसँगै टोटेनहम एफए कपबाट बाहिरिएको छ भने शेफिल्ड अन्तिम आठमा पुगेको छ।