एनएनआईपिए अवार्ड चैतमा

काठमाडौं– नेपाली राष्ट्रिय तथा अन्तर्राष्ट्रिय खेलाडी संघ एनएनआईपिएले आगामि संस्करणको अवार्ड आगामि चैत महिनामा गर्ने भएको छ। हिजो बुधबार आयोजक एनएनआईपिएले एक सूचना जारी गर्दै यो वर्षको अवार्ड आगामि चैतमा गर्ने निर्णय गरेको हो।

संघले हरेक वर्ष नेपाल ओलम्पिक कमिटीबाट अधिकार पाएका २७ खेलका उत्कृष्ट खेलाडीलाई सम्मान गर्दै आइरहेको छ। उसले त्यसमध्येबाट एक खेलाडीलाई सर्वोत्कृष्ट खेलाडीका रुपमा सम्मान गर्ने गरेको छ।

त्यो अवार्डमा एक सिनियर खेलाडकर्मीलाई गजराज आदर्श खेल व्यक्तित्व प्रदान गर्ने गरेको छ। एनएनआईपिएले वर्ष पनि पहिलेको जस्तै एक खेल पत्रकार र एक पारा खेलाडीलाई सम्माना गर्ने जानकारी दिएको छ।

अवार्डमा सर्वोत्कृष्ट खेलाडीले एक लाख, प्रतिभासाली खेलाडीले १० हजार र उत्कृष्ट खेलाडीले १० हजार पुरस्कार पाउने छन्।