राष्ट्रियताको सवालमा सचेत छु : रामचन्द्र पौडेल

काठमाडौं- नेपाली कांग्रेसका वरिष्ठ नेता रामचन्द्र पौडेलले संविधानको संरक्षण र राष्ट्रियताको संवर्द्धनमा आफू सचेत रहेको बताएका छन्।

शनिबार नेपाली कांग्रेस केन्द्रीय कार्यसम्पादन समितिको बैठकले वरिष्ठ नेता पौडेललाई राष्ट्रपतिको उम्मेदवार बनाउने निर्णय गरेसँगै सञ्चारकर्मीसँगको प्रतिक्रियामा पौडेलले आफू राष्ट्रियताको सवालमा सधैँ प्रतिवद्ध रहेको बताए।

आफ्नो जिम्मेवारीप्रति पनि सचेत रहेको उनको प्रतिक्रिया थियो। सबै मिलेर राष्ट्र र संविधानको रक्षा गर्नुपर्ने र वर्तमान राजनीतिक प्रणालीको महत्त्व सबैले बुझ्नुपर्ने नेता पौडेलले बताए।

उनले आफूप्रति नेपालको राजनीतिक जगतले अपार स्नेह, सहानुभूति र सद्भाव राखेको अनुभूति आफूले गरेको बताए।