दुई महिने छोरी बोकेर संसद् यात्रा

काठमाडौं– ७ पुसमा संसदीय दलको चुनाव हुँदा सुत्केरी भएकी कांग्रेस सांसद माया राई संसद् बैठकमा भाग लिन आउँदा दुई महिने छोरी ल्याउन छुटाउँदिनन्। 

बुधबारको संसद् बैठकमा पनि उनले छोरीलाई सँगै लिएर आइन्। गाडीमा सहयोगीको साथ लगाएर छोरीलाई बाहिर राखेकी उनी दूध खुवाउन भने बैठकबाट बाहिर निस्किरहन्छिन्।

बुधबार उनकी छोरी दुई महिना ६ दिनकी पुगेकी छन्। त्यसपछि छोरीलाई गाडीमै राखेर बैठकमा सहभागी भएको उनले सुनाइन्। संसदीय दलको चुनावमा अस्पतालबाटै उनको मत खाममा सिलबन्दी गरेर ल्याइएको थियो।