नुवाकोटमा बस दुर्घटना हुँदा तीन जनाको ज्यान गयो, २३ घाइते

काठमाडौं- नुवाकोटमा बिहीबार भएको बस दुर्घटनामा तीन जनाको मृत्यु भएको छ । दुर्घटनामा परी २३ जना घाइते भएको र घाइतेहरूको जिल्ला अस्पताल त्रिशूलीमा उपचार भइरहेको जिल्ला प्रहरी कार्यालय नुवाकोट जनाएको छ।

विदुर नगरपालिका ४ बट्टारबाट तारकेश्वर गाउँपालिका-१ दाङसिङतर्फ जाँदै गरेको बा २ ख ८४५ नम्बरको बस विदुरको चैनपुरमा दुर्घटना भएको हो।

मृत्यु हुनेमा विदुर नगरपालिका ३ का ६३ वर्षीय बाबुराम दर्जी नेपाली, का ७८ वर्षीय रामप्रसाद अर्याल र एक जना महिलाको पहिचान हुन नसकेको प्रहरीले जनाएको छ। प्रहरीका अनुसार बस सडकबाट २० फिट तल खसेको छ ।