बीजेपीले सार्वजनिक गर्‍यो चन्दा रकम, कंग्रेसको भन्दा कैयौं गुणा बढी

काठमाडौं- भारतीय जनता पार्टीले एक वर्षमा ६ अर्ब १४ करोड रुपैयाँ चन्दा प्राप्त गरेको छ। एसोसिएसन अफ डेमोक्रेटिक रिफर्मको रिपोर्टअनुसार बीजेपीले साल २०२१-२२ मा यो चन्दा प्राप्त गरेको हो। 

भारतका राजनीतिक दलहरुमध्ये  बीजेपीले सबैभन्दा बढी चन्दा पाएको छ। दोस्रो नम्बरमा कंग्रेस आईले ९५ करोड भारु प्राप्त गरेको छ।

बीजेपीले ४ हजार ९५७  दाताबाट सो रकम प्राप्त गरेको हो। कंग्रेसलाई भने १ हजार २५५ दाताले सहयोग गरेका छन्। 

मायावतीको पार्टी बहुजन समाजवादीलाई भने २० हजारमात्र चन्दा प्राप्त गरेको बताएको छ। भारतमा राष्ट्रिय पार्टीहरुले प्राप्त गरेको कुल चन्दा रकम १८७ करोड पुगेको समाचार संस्था पीटीआईले जनाएको छ।