तराईमा बिहानीपख कुहिरो लाग्ने

काठमाडौं- हाल देशभर उल्लेखनीय मौसम प्रणालीको प्रभाव नरहे पनि बिहानीको समयमा तराईका जिल्लामा हुस्सु र कुहिरो लाग्नेक्रम जारी रहने जल तथा मौसम विज्ञान विभागले जनाएको छ। देशका पहाडी भूभागमा आंशिक बदली रहने भए पनि अन्य भूभागमा मौसम सफा रहने छ।

विभागका अनुसार आज दिउँसो प्रदेश १, बागमती र गण्डकी प्रदेशका पहाडी भूभागमा आंशिक बदली हुनेछ। बाँकी भूभागमा मौसम सफा रहने छ। तराईमा कुहिरो लागे पनि दिउँसो घाम लाग्नेछ। 

त्यसैगरी फागुन ४ गते बिहीबार सुदूरपश्चिम, प्रदेश १, बागमती प्रदेशको पहाडी भूभागमा आंशिकदेखि सामान्य बदली रहनेछ। अन्य भूभागमा मौसम सफा रहने विभागको भनाइ छ।

त्यस्तै, फागुन ५ गते शुक्रबार पनि देशको पहाडी भूभागमा आंशिक बदली हुनेछ। तराईमा लाग्ने कुहिरोले केही समय अझै साँझ विहान चिसोको अनुभव हुने भएकाले आवश्यक सतर्कता राख्न विभागको आग्रह छ।