चितुवाको आक्रमणबाट दाङमा १७ बाख्रा मरे

दाङ- दाङको देउखुरीमा चितुवाको आक्रमणबाट १७ बाख्रा मरेका छन्।

लमही नगरपालिका–१ का वसन्तराज अधिकारीले पालेका १९ वटा बाख्रामध्ये १७ बाख्रा चितुवाले मारिदिएको हो। बाख्रा बाँधेर राखेको खोरभित्रै पसेर चितुवाले बाख्रामाथि आक्रमण गरेको हो।

आफूले व्यावसायिक रुपमा पालेका बाख्रा मर्दा दुई लाख रुपैयाँ भन्दा बढी क्षति भएको पीडित किसान अधिकारीले बताए।