आन्दोलनरत यातायात मजदुरलाई सरकारले वार्तामा बोलायो

काठमाडौं- सरकारले आन्दोलनरत मजदुर संगठनका नेतालाई वार्ता र संवादमा बोलाएको छ।

नेपाल यातायात मजदुर संघको हडतालका कारण उपत्यकाका सार्वजनिक सवारीसाधन बन्द रहेकोमा सरकारले मजदुर संगठनलाई  वार्ताका लागि बोलाएको हो।

बालाजु बसपार्क आसपासमा हिजो भएको तोडफोड आगजानीको घटनापछि आज सवारी सेवा ठप्प पारिरकेका आन्दोलनकर्तालाई सरकारले वार्तामा आउन आह्वान गरेको छ।

यातायात विभागका महानिर्देशक तुल्सी गौतमका अनुसार आन्दोलनरत यातायात मजदुरलाई मंगलबार बिहान ८ बजे वार्ताका लागि भौतिक पूर्वाधार तथा यातायात मन्त्रालयमा वार्तामा बोलाएको हो।

मजदुर संघको हडतालका कारण उपत्यकाका सवारी ठप्प हुँदा यात्रु अलपत्र परेका छन्।