तराई क्षेत्रमा बिहानी समय हुस्सु लाग्ने

काठमाडौं- हाल देशमा कुनै मौसमी प्रणालीको उल्लेखनीय प्रभाव नरहे पनि आज तराई क्षेत्रमा हुस्सु लाग्ने सम्भावना छ।

जल तथा मौसम विज्ञान विभाग, मौसम पूर्वानुमान महाशाखाका अनुसार आज बिहान तराई क्षेत्रमा हुस्सु लाग्ने सम्भावना रहेको हो। दिउँसो भने हुस्सु हट्दै जाने छ।

तराईका केही भूभागमा बिहानीपख हुस्सु र कुहिरो लाग्ने सम्भावना रहेकाले हुस्सुले दैनिक जनजीवन, स्वास्थ्य, सडक तथा हवाई यातायातमा सामान्य प्रभाव पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ।

आज दिउँसो पनि देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ।