बालाजुमा आन्दोलनरत यातायात मजदुरले जलाए प्रहरी भ्यान

काठमाडौं- ट्राफिक प्रहरीले अनावश्यक दुःख दिएको भन्दै आन्दोलनरत बालाजु क्षेत्रका यातायात मजदुरले प्रहरीको भ्यानमा आगजनी गरेका छन्।

 यसअघि उनीहरूले बालाजु क्षेत्रमा सडकमै बस तेर्स्याएर आन्दोलन गरेका थिए।

अन्दोलनकारीहरुले मुल सडकमै प्रहरीको एउटा गाडी जलाएका छन् भने अर्को एउटा गाडी तोडफोड गरेर सडकमै लडाइदिएका छन्।

प्रदर्शनकारीले प्रहरीले सडकमा राखेको डिभाइडर पनि जलाइदिएका छन्। आज दिनभर यातायात मजदुरहरुले ट्राफिक जरिवाना महँगो भएको भन्दै बालाजु क्षेत्रमा सडक बन्द गरेर आन्दोलन गरिरहेका छन्।

उनीहरुले बााजु चोक, माछापोखरी, बसपार्क क्षेत्रमा निजी सवारी साधनसमेत चल्न दिएका छैनन्।