सिकाइदिने भन्दै बोलाएर शिक्षकबाट विद्यार्थी बलात्कृत, शिक्षक पक्राउ

बुटवल- रुपन्देहीको देवदहमा एक किशोरी आफ्नै शिक्षकबाट बलात्कृत भएको घटना बाहिरिएको छ। विद्यार्थीलाई सिकाइदिने बहानामा बोलाएका शिक्षकले होटलमा लगि बलात्कार गरेको भन्दै प्रहरीमा उजुरी परेको थियो।

जबर्जस्ती करणी गरेको अभियोगमा देवदह नगरपालिका-७ शितलनगरका ३६ वर्षीय मोहन गुरुङलाई प्रहरीले बुधबार पक्राउ गरेको हो।

इलाका प्रहरी कार्यालय बुटवलका प्रहरी नायव उपरीक्षक दानबहादुर थापाका अनुसार गुरुङले माघ २० गते शुक्रबार देवदहको ढेकारस्थित होटलमा १६ वर्षीया किशोरीलाई जबर्जस्ती करणी गरेका थिए।

उजुरीपछि फरार शिक्षकलाई बुधबार दिउँसो प्रहरीले पक्राउ गरेर अनुसन्धान थालेको जनाएको छ।