१६ वर्षीया किशोरीमाथि करणी गरेको अभियोगमा एक जना पक्राउ

काडमाडौं- रुपन्देहीबाट प्रहरीले १६ वर्षीया किशोरीलाई जबरजस्ती करणी गरेको अभियोगमा एक जनालाई पक्राउ गरेको छ। पक्राउ पर्नेमा देवदह नगरपालिका-७ शितलनगर बस्ने ३६ वर्षीय मोहन गुरुङ रहेका छन्।

उनलाई मंगलबार दिउँसो प्रहरीले पक्राउ गरेको हो। गुरूङले ती किशोरीलाई गत शुक्रबार राति देवदह नगरपालिका-७ ढेकारस्थित होटलमा जबरजस्ती करणी गरेको भन्ने उजुरीको आधारमा प्रहरी चौकी खैरेनीबाट खटिएको प्रहरीले उनलाई पक्राउ गरेको हो। उनलाई पक्राउ गरेर थप अनुसन्धान थालिरहेको प्रहरीको भनाइ छ।