रौतहटमा मोटरसाइकल दुर्घटनामा चालकको मृत्यु

काठमाडौं- रौतहटको चन्द्रपुर नगरपालिका- ४ धन्सार पुल नजिकै हिजो साँझ मोटरसाइकल पल्टिँदा चालकको मृत्यु भएको छ। मृत्यु हुनेमा सर्लाहीको हरिवन नगरपालिका-७ का ३० वर्षीय किरण लामा घिसिङ रहेका छन्।

दुर्घटनामा गम्भीर घाइते भएका लामाको उपचारको क्रममा चन्द्रपुर अस्पताल प्रालीमा आइतबार बेलुकी सवा ८ बजे मृत्यु भएको हो। सर्लाहीबाट निजगढ जाँदै गरेको मधेश प्रदेश-०४-००१ प ३५५७ नम्बरको मोटरसाइकल हिजो साँझ साढे ६ बजे अनियन्त्रित भएर पल्टिएको ईलाका प्रहरी कार्यालय चन्द्रपुर रौतहटले जानकारी दिएको छ।