सुनको मूल्यले छुँदै अकास, प्रतितोला १ लाख साढे ७ हजारमा कारोबार

काठमाडौं– नेपाली बजारमा सुनको मूल्यले ऐतिहासिक रेकर्ड कायम गरेको छ। नेपाल सुनचाँदी व्यवसायी महासंघका अनुसार बिहीबार प्रतितोलामा १ हजार ३०० रुपैयाँ बढेर छापावाला सुनको मूल्य १ लाख ७ हजार ५ सय पुगेको छ।

अघिल्लो दिन बुधबार छापावाला सुन प्रतितोला १ लाख ६ हजार ३ सयमा कारोबार भएको थियो। आज तेजाबी सुनको मूल्यसमेत तोलामा १ हजार ३०० रुपैयाँले बढेर १ लाख ७ हजारमा करोबार भइरहेको महासंघले जनाएको छ। 

चाँदीको मूल्य भने अघिल्लो दिनको मूल्यभन्दा २५ रुपैयाँले बढेर आज प्रतितोला १ हजार ३९५ रुपैयाँमा कारोबार भएको छ।