डल्फिन सहकारीका व्यवस्थापक खाती मृत फेला

पोखरा- पोखरा महानगरपालिका वडा नम्बर ९ शिवटोलमा डल्फिन बचत तथा ऋण सहकारी संस्थाका व्यवस्थापक लेखुराम खाती मृत फेला परेका छन्।

खाती आइतबार साँझ करिब ७ बजेतिर आफ्नै घरमा झुण्डिएको अवस्थामा भेटिएको कास्की प्रहरीले जनाएको छ। उनले केही वर्षदेखि पानी उद्योगसमेत सञ्चालन गर्दै आएका थिए।

चर्को ऋणको दवाव थेग्न नसकेर उनले आत्महत्याको बाटो रोजेका हुन्। उनी व्यवस्थापक रहेको डल्फिन सहकारीको आर्थिक अवस्था निकै नाजुक बन्दै गएपछि सञ्चालक समिति र बचतकर्ताले रकम जुटाउन चर्को दवाव दिएपछि यस्तो घटना घट्न पुगेको श्रोत बताएको छ।