विराटनगर रानी क्षेत्रबाट एक बालिकासहित दुई जनाको उद्धार

विराटनगर- विराटनगर रानी क्षेत्रबाट एक बालिका सहित दुई जनाको उद्धार गरिएको छ। साना हातहरु नेपालले भापाकी २७ वर्षीया महिला र १४ वर्षीया बालिकालाई सीमा क्षेत्रबाट उद्धार गरेको हो।

माघ १२ गते झापाबाट काम खोज्दै विराटनगर आएका उनीहरुको भारतको सुपौलका ४० वर्षीय बाबु साहव र अररियाका मोहम्वत जागिरसँग विराटनगरको एक होटेलमा भेट भएको थियो।

साहव र जागिरले काम लगाईदिने प्रलोभनमा होटेलमै राखेको र महिलालाई बलात्कार गरेको पीडितले बताएका छन्। माघ १३ गते विहान दुवै जनालाई भारत लैजान खोज्दा सीमा क्षेत्रबाट उद्धार गरिएको साना हातहरु नेपाल विराटनगरका प्रमुख विवश श्रेष्ठले जानकारी दिए। 

उनका अनुसार भारत लैजान खोज्ने दुवै जना विरुद्ध मानव वेचविखन तथा ओसारपसार र जवरजस्ती करणीमा मुद्धा दर्ता गरिएको छ।