कति छ काठमाडौंको बिहानी तापक्रम

काठमाडौं- आजदेखि पश्चिमी भेटको मौसम सफा हुँदैछ। पश्चिमी निम्न चापीय प्रणालीको प्रभावका कारण सुदूरपश्चिम, कर्णाली र लुम्बिनीका धेरैजसो ठाउँमा वर्षा र हिमपात भएको थियो।

आजदेखि ती क्षेत्रमा पनि घाम लाग्ने मौसमविद् प्रतिभा मानन्धरले बताइन्। उनका अनुसार मध्य र पूर्वी क्षेत्रमा भने आजको मौसम आंशिकदेखि सामान्य बदली हुने सम्भावना छ। तर, वर्षा भने हुने छैन।

शनिबारसम्म नै देशका धेरै ठाउँको मौसम सामान्यतया सफा रहने अनुमान गरिएको छ। शनिबारदेखि भने अर्को प्रणाली भित्रने सम्भावना रहेको छ।

यसैबीच, देशभरकै तापक्रम बढ्न थालेको छ। वर्षा र हिमपातले पश्चिमी क्षेत्रमा हिजोअस्ति चिसो बढे पनि अब  बिस्तारै तापक्रम बढ्दै जाने मौसमविद् प्रतिभा मानन्धरको भनाइ छ।

आज बिहान काठमाडौंको न्यूनतम तापक्रम ९ डिग्री सेल्सियस मापन गरिएको छ। काठमाडौंको अधिकतम तापक्रम २० देखि २१ डिग्री सेल्सियससम्म पुग्न थालिसकेको छ।