झा दम्पती हत्याका अभियुक्त दुई वर्षपछि पक्राउ

दुई वर्षअघि महोत्तरीको पिपराका झा दम्पती हत्या प्रकरणका फरार अभियुक्त पक्राउ परेका छन्। पक्राउ पर्नेमा पिपरा गाउँपालिका ५ का ७३ वर्षीय तेज नारायण झा रहेको महोत्तरी प्रहरीले जनाएको छ।

घटनापछि फरार भई भारतको गुहावटीमा पूजारीको रुपमा काम गर्दै आएका अभियुक्त झालाई महोत्तरी प्रहरीले झापाको मेचिनगर ६ स्थित भारतको सीमाबाट पक्राउ गरेको हो। काँकडभिट्टा नाका हुँदै नेपाल आउने जाने गरेको सूचनापछि केन्द्रीय प्रहरी टोलीको सहयोगमा झालाई पक्राउ गरिएको महोत्तरी प्रहरीले जनाएको छ ।

झा दम्पती हत्या घटनामा संलग्न अन्य ७ जना अभियुक्तलाई प्रहरीले यसअघि नै पक्राउ गरी जिल्ला अदालत महोत्तरीमा हाजिर गराएको थियो। जिल्ला अदालतको आदेशले कारागार चलान भएका ४ जना भने उच्च अदालत जनकपुरको आदेश अनुसार धरौटीमा छुटेका छन्।

२०७७ फागुन ११ गते पिपरा ५ का ७३ वर्षीय मुसाफिर झा र वर्ष ६६ की गीतादेवी झालाई अपहरण गरी शरीर बन्धक बनाई हत्या गरी गाडेर सडेगलेको अवस्थामा एक महिनापछि परिवारले उनीहरुको शव फेला पारेको थियो।