पौने ५ अर्बको विदेशी लगानी प्रस्ताव

काठमाडौं– नेपालमा यो वर्ष ४ अर्ब ८५ करोड २० लाख बराबरको विदेशी लगानी प्रस्ताव आएको उद्योग विभागले बताएको छ। विभागका अनुसार २०७९ पुससम्म उक्त रकमको विदेशी लगानी प्रस्ताव आएको हो।

यस अवधिमा २० वटा विदेशी लगानी स्वीकृत भएका छन्। यीमध्ये १९ वटा साना तथा मझौला उद्योग रहेका छन् भने ठूला उद्योगमा लगानी प्रस्ताव एउटा मात्र आएको छ।

विभागका उत्पादनमूलक उद्योगतर्फ ३ वटा लगानी प्रस्ताव आउँदा पर्यटनमा ५, सेवामूलक उद्योगमा ७ र सूचना प्रविधि उद्योगमा ३ वटा लगानी प्रस्ताव आएका छन्। 

पूर्वाधारतर्फ २ वटा लगानी प्रस्ताव आएको विभागले बताएको छ। यसअघि विभागमा मंसिरसम्म १६ वटा विदेशी लगानी प्रस्ताव आएका थिए। विभागका अनुसार पुसमा थप ४ वटा विदेशी लगानी प्रस्ताव आएको हो।