गण्डकीको उपसभामुखमा एमालेकी विना थापा निर्वाचित

पोखरा- गण्डकी प्रदेशको उपसभामुखमा बागलुङकी बिनाकुमारी थापा निर्वाचित भएकी छिन्। उनको पक्षमा ३२ मत परेको छ भने विपक्षमा २६ मत परेको थियो।

थापालाई उपसभामुख बनाउन गोविन्द नेपालीले प्रस्ताव गरेका थिए भने सुशीला सिम्खडाले समर्थन गरिन्।

गण्डकीको उपसभामुखमा कांग्रेसले समेत उम्मेदवारी दिएको थियो। लमजुङकी पार्वती तामाङलाई उम्मेदवार बनाइएको हो। उनलाई नन्दप्रसाद न्यौपानेले प्रस्ताव गरेका थिए भने दोर्ण कुँवरले समर्थन गरेका थिए।

बिना निर्वाचित भएपछि पार्वतीको प्रस्तावमा मत विभाजन भएन। यहाँको सभामुखमा पुस ३० गते माओवादीका कृष्ण धिताल निर्वाचित भैसकेका छन्।