दाङमा मोटरसाइकल दुर्घटना हुँदा दुई युवकको मृत्यु

दाङ- दाङमा मोटरसाइकल दुर्घटनामा परी दुई युवकको मृत्यु भएको छ। मृत्यु हुनेमा मोटरसाइकल चालक घोराही उपमहानगरपालिका १६ लेटार बस्ने २१ वर्षीय सुशील चौधरी र मोटरसाइकलमा पछाडि सवार सोही ठाउँका १८ विवेक चौधरी रहेको जिल्ला प्रहरी कार्यालय दाङले जनाएको छ।

सोमबार बिहान करिब २ बजेतिर  घोराही १६ बेसाईस्थित सर्रा सौडीयार सडक खण्डमा सौडियारबाट सर्रातर्फ आउँदै गरेको रा ५ प ९५१४ नम्बरको मोटरसाइकल आफैँ अनियन्त्रित भई  दुर्घटना हुँदा दुबै जना गम्भीर घाइते भएका थिए।  घाइते दुबै जनालाई उपचारको लागी राप्ती स्वास्थ्य विज्ञान प्रतिष्ठान घोराही लगिएको थियो।

चालक चौधरीको दाहिने हात, दाहिने खुट्टामा, टाउको चोट लागेको थियो। प्रतिष्ठान ल्याएर  डाक्टरले चेक जाँच गर्दा  करिब ३ बजेतिर मृत घोषणा गरेको र शव अस्पतालमा रहेको जिल्ला प्रहरी कार्यालय दाङले जनाएको छ।  

प्रहरीका अनुसार  मोटरसाइकलमा पछाडि सवार विवेकको  पनि दुबै हात, दुबै खुट्टा भाँचिएको टाउकोमा गहिरो चोट लागेको थियो।  उनको पनि उपचार कै क्रममा बिहान करिब सवा ५  बजे मृत्यु भएको र शव अस्पतालमा रहेको प्रहरीले जनाएको छ।