चिकित्सक संघद्वारा विमान दुर्घटनामा ज्यान गुमाएकाहरूप्रति दुःख व्यक्त

काठमाडौं- नेपाल चिकित्सक संघले आइतबार विहान भएको यति एयरलाइन्स विमान दुर्घटनामा परी ज्यान गुमाएकाहरुप्रति दुःख व्यक्त गर्दै श्रद्धाञ्जलि अर्पण गरेको छ।

दुर्घटनामा परी संघका आजीवन सदस्य डा.सुशील श्रेष्ठ, डा. शोना दिवाकर, उनीहरुका दश महिने शिशु, डा. गणेश थापाको निधन भएको थियो। 

उनीहरूको निधनले नेपालले चिकित्सा क्षेत्रको उज्ज्वल नक्षत्र गुमाएको संघले बताएको छ। चालक दलका सदस्यसहित ७२ जनाको दुःखद निधनले मुलुक स्तब्ध भएको र नेपाली चिकित्सा क्षेत्रमा पनि अपूरणीय क्षति भएको संघले जनाएको छ। 

संघका महासचिव डा. बद्री रिजालद्वारा जारी विज्ञप्तिमा भनिएको छ, 'यस दुःखद घडीमा सम्पूर्ण मृतकहरुप्रति हार्दिक श्रद्धाञ्जलि अर्पण गर्दै मृतकका परिवार तथा आफन्तजनहरुमा धैर्यधारण गर्ने शक्ति प्राप्त होस्।'