विमान दुर्घटना अपडेट : पाँच जनाको सनाखत

काठमाडौं- आइतबार बिहान पोखरामा भएको जहाज दुर्घटनामा मृत्यु भएकामध्ये पाँच जनाको सनाखत भएको छ। आज बिहान साढे १० बजे काठमाडौंबाट पोखराको लागि उडेको यति एयरलाइन्सको जहाज दुर्घटनामा परेको थियो।

जहाज दुर्घटनामा परी अहिलेसम्म ६४ जनाको शव फेला परिसकेको छ। प्रहरी, सशस्त्र प्रहरी र सेनाले ती शवलाई निकाल्ने प्रयास गरिरहेको छ।

दुर्घटनामा मृत्यु भएकामध्ये पाँच जनाको सनाखत भएको जिल्ला प्रहरी कार्यालय कास्कीका प्रहरी निरीक्षक सुवास तिमल्सिनाले बताए। लक्ष्मी पौडेल, सुशील श्रेष्ठ, संगीता शाही, निशान्त आचार्य र सदारत अलिमियाको सनाखत भएको उनले जानकारी दिए।