सबै विमानको प्राविधिक परीक्षण गराउन सरकारको निर्देशन

काठमाडौं- सरकारले आन्तरिक उडानका सबै विमानको प्राविधिक परीक्षण गराउन निर्देशन दिएको छ। मन्त्रिपरिषद्को आकस्मिक बैठकले यस्तो निर्देशन दिएको हो। आज बिहान पोखरामा यती एयरलाइन्सको विमान दुर्घटनामा परेपछि बैठक बसेको थियो। 

मन्त्रिपरिषद् बैठकका निर्णयबारे जानकारी दिँदै सरकारका प्रवक्ता विष्णु पौडेलले विमानको प्राविधिक परीक्षणले आगामी दिनमा यस्ता घटना न्यूनीकरण गर्न सहयोग पुग्ने सरकारले विश्वास लिएको बताए। 

सरकारले सबै वायुसेवा कम्पनीहरूलाई विमानको प्राविधिक परीक्षण गराउन निर्देशन दिएको हो। नेपाल नागरिक उड्डयन प्राधिकरणले त्यसको अनुगमन गर्नेछ।