शुक्रबारको तुलनामा आज घट्यो काठमाडौंको बिहानी तापक्रम

काठमाडौं- काठमाडौं उपत्यकाको तापक्रम घटेको छ। शुक्रबार भन्दा तापक्रम ०.३ डिग्री सेल्सियसले घटेको मौसम पूर्वानुमान महाशाखाले जनाएको छ।

शनिबार बिहान काठमाडौंको न्यूनतम तापक्रम ४ डिग्री सेल्सियसमा घटेको हो। शुक्रबार काठमाडौंको न्यूनतम तापक्रम ४.३ डिग्री मापन गरिएको थियो। हुन त यसअघि नै काठमाडौंको तापक्रम ३ डिग्रीको आसपास झरिसकेको छ।

आज काठमाडौं उपत्यकाको अधिकतम तापक्रम १७ देखि १९ डिग्री सेल्सियसबीच रहने उनले बताइन्।

शनिबार दिउँसो कर्णाली, गण्डकी प्रदेश र प्रदेश १ का पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहनेछ।