प्रदेश १ मा मन्त्रालयको संख्या घटाइने

विराटनगर- प्रदेश १ को नवगठित पहिलो मन्त्रिपरिषद् बैठकले प्रदेश सरकारका मन्त्रालयको संख्या घटाउने निर्णय गरेको छ।

सोमबार शपथ ग्रहणपछि विराटनगरस्थित मुख्यमन्त्री तथा मन्त्रिपरिषद्को कार्यालयमा बसेको पहिलो बैठकले १४ वटा मन्त्रालयको संख्या घटाएर नौ वटा बनाउने निर्णय गरेको हो। 

बैठकले प्रशासनिक सुधार गर्ने, सार्वजनिक खर्च कटौती गरी मितव्ययिता कायम गर्ने, शीतलहरबाट जनतालाई जोगाउन पूर्वतयारी गर्ने, सेवा प्रवाह सुधार ल्याउनका लागि प्रमुख सचिवको नेतृत्व २१ दिनभित्र प्रतिवेदन बुझाउने गरी सुधार समिति गठन गर्ने निर्णय पनि गरेको छ।

मन्त्रालय र मन्त्री धेरै भएको जनगुनासोलाई विचार गरेर मन्त्रालयको संख्या घटाएर नौ वटामा कायम गर्न आवश्यक प्रक्रिया सुरु गर्ने निर्णय गरिएको हो।