गोरखाबाट हराएका चार किशोरी तनहुँमा फेला

काठमाडौं- गोरखा सदरमुकामस्थित एक स्कुलबाट दुई दिनदेखि हराइरहेका चार जना किशोरी तनहुँमा मृत फेला परेका छन्। 

गोरखा नगरपालिका–९ स्थित लक्ष्मीबजारमा रहेको महालक्ष्मी माध्यमिक विद्यालयबाट बिहीबारदेखि हराएका किशोरी आज तनहुँमा फेला परेको गोरखाका प्रमुख प्रहरी उपरीक्षक केदार खनालले बताए।

महालक्ष्मी माविमा कक्षा ४ मा अध्ययनरत बारपाक सुलिकोट गाउँपालिका घर भएकी १६ वर्षीया संगिता गुरुङ, कक्षा ५ मा अध्ययनरत शहिद लखन गाउँपालिकाकी १६ वर्षीया सरिता परियार, रौतहट घर भएकी १६ वर्षीया काजल हजारा र कक्षा ६ मा अध्ययनरत लक्ष्मीबजार घर भएकी १३ वर्षीया अस्मिता कुँवर विद्यालयबाट नै हराएका थिए।

किशोरीहरू विद्यालयबाट सम्पर्कविहीन भएपछि विद्यालयले खोजीका लागि प्रहरीलाई अनुरोध गरेको थियो। घटनाको अनुसन्धान भइरहेको प्रहरीले जनाएको छ।