सप्तरीमा चिसोले कठ्यांग्रिएर एक जनाले गुमाए ज्यान

सप्तरी- सप्तरीमा चिसोले कठ्यांग्रिएर एक जनाले ज्यान गुमाएका छन्। ज्यान गुमाउनेमा तिलाठी कोइलाडी ४ मुसहरी टोलका देवु सदा रहेका छन्।

बिहीबार राति खाना खाएर सुतेका उनको चिसोले कठ्यांग्रिएर मृत्यु भएको तिलाठी कोइलाडी गाउँपालिका– ४ का वडाध्यक्ष  मुनिलाल मुखियाले जानकारी दिए।

खुला ठाउँमा रहेको फुसको घरमा सुतेका उनी बिहान मृत भेटिएका हुन्। मृतक सदाका तीन  छोरा र तीन छोरी छन् भने श्रीमतीको दुई वर्षअघि नै मृत्यु भइसकेको छ।