बारामा गोली प्रहार गरी भारतीय नागरिकको हत्या

बारा– बारामा गोली हानेर एक जना भारतीय नागरिकको हत्या भएको छ। महागढीमाई नगरपालिका वडा नम्बर २ मा शुक्रबार बेलुकी गोली लागेर घाइते भएका ४५ वर्षका शिवपुजन यादवको उपचारका क्रममा ज्यान गएको प्रहरी उपरीक्षक होबिन्द्र बोगटीले जानकारी दिए।

अघि बेलुकी एक होटलबाट निस्कँदै गर्दा मोटरसाइकलमा आएका दुई जना व्यक्तिले यादवमाथि गोली चलाएका प्रहरी उपरीक्षक बोगटीले बताए। घटनामा संलग्नहरूको खोजी भइरहेको प्रहरीले जनाएको छ।

यादव भारतीय प्रहरीको खोजी सूचीमा रहेको र लुकेर आफन्तको घरमा बस्दै आएका खुलेको प्रहरीको भनाइ छ।