फ्रान्समा गोली चल्दा तीन जनाको मृत्यु, तीन घाइते

पेरिस- मध्य पेरिसमा रहेको कुर्दिश सांस्कृतिक केन्द्र र कपाल काट्ने सलुनमा ६९ वर्षीय बन्दुकधारीले गोली चलाउँदा तीन जनाको मृत्यु भएको छ। गोली लाग्दा तीन जना घाइते भएका छन्। घाइतेमध्ये २ जनाको अवस्था गम्भीर छ ।

गोली लागेर तीन जनाको मृत्यु भएकोमा तीन घाइते मध्ये एक व्यक्तिको सघन हेरचाहमा र दुई जना गम्भीर घाइते रहेको त्यहाँका प्रहरी अधिकारीले बताएका छन्। पक्राउ परेका संदिग्धको पनि अनुहारमा चोट लागेको सहरका अभियोजक लाउरे बेकुउले बताए।

आक्रमणबारे अनुसन्धान भइरहेको छ। संदिग्धले दुई अलग घटनामा सन् २०१६ र सन् २०२१ मा पनि हत्या प्रयास गरेका थिए।

फ्रान्सका गृहमन्त्री गेराल्ड डार्मानिनले फ्रान्समा हिंसात्मक अति दक्षिणपन्थी समूहहरूको खतराबारे बारम्बार चेतावनी दिएका छन्।