पूर्वस्वीकृतिबना बिदा नबस्न संघीय मामिला मन्त्रालयले काट्यो पत्र

काठमाडौं– स्थानीय तहका प्रमुख प्रशासकीय अधिकृत र जिल्ला समन्वय अधिकारीलाई पूर्वस्वीकृतिबिना बिदा नबस्न संघीय मामिला तथा सामान्य प्रशासन मन्त्रालयले परिपत्र गरेको छ। 

स्थानीय तहका प्रमुख प्रशासकीय अधिकृत र जिल्ला समन्वय अधिकारी कार्यालय समय अफिसमा नहुने गरेको सेवाग्राहीको गुनासो रहँदै आएको मन्त्रालयले बताएको छ।

मन्त्रालयले स्थानीय तहका प्रमुख प्रशासकीय अधिकृत र जिल्ला समन्वय समितिले पूर्वस्वीकृतिबिना बिदा बस्ने गरेकाले कार्यालय समयमा कर्मचारी भेटिन छाडेका कारण सो परिपत्र गरेको हो। 

मन्त्रालयका उपसचिव रवीन्द्रजंग थापाले मन्त्रालयले स्थानीय तहका प्रमुख प्रशासकीय अधिकृत र समन्वय अधिकारीलाई जानकारी नदिएरै बिदामा नबस्न परिपत्र गरिसकिएको बताए। उनले भने, ‘स्थानीय तहका प्रमुख प्रशासकीय अधिकृत र जिसस प्रमुखले जिल्ला तथा कार्यक्षेत्र छाड्दा स्थानीय तहमा सेवा प्रवाहमा असर परेको गुनासो मन्त्रालयमा आउन थालेपछि पूर्वस्वीकृतिबिना कार्यालय नछाड्न सबै स्थानीय तहलाई आग्रह गरिएको हो।’