तोलामा तीन सयले घट्यो सुनको मूल्य

काठमाडौं- नेपाली बजारमा आज छापावाल सुनको मूल्य अघिल्लो कारोबार दिनका तुलनामा प्रतिताला तीन सयले रुपैयाँले घटेको छ। आज नेपाली बजारमा सुन प्रतितोला एक लाख दुई सयमा कारोबार भइरहेको छ।

अघिल्लो दिन सुन प्रतितोला एक लाख पाँच सयमा कारोबार भएको थियो। नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला ९९ हजार सात सय छ। यसको मूल्य अघिल्लो दिन एक लाख थियो। 

त्यस्तै चाँदीको मूल्य अघिल्लो कारोबार मूल्यका तुलनामा आज प्रतितोला १० ले घटेर एक हजार तीन सय ९० मा आएको महासङ्घले जनाएको छ। 

हाल अन्तर्राष्ट्रिय बजारमा सुन प्रतिऔँस एक हजार सात सय ८७ दशमलव ४८ अमेरिकन डलर आसपासमा कारोबार भइरहेको जनाइएको छ।