तारा एयरको जहाजसँग ठोक्कियो चिल

काठमाडौं– नेपालगञ्जबाट हुम्लाको सिमकोट विमानस्थलका लागि उडेको तारा एयरको जहाजसँग चिल ठोक्किएको छ। बुधबार दिउँसो जहाजसँग चिल ठोक्किएको जिल्ला प्रशासन कार्यालयका निमित्त प्रमुख जिल्ला अधिकारी अमृतप्रसाद सुवेदीले बताए। 

चिल ठोक्किएपछि जहाजको अगाडिको भागमा प्वाल परेको उनले जानकारी दिए। उक्त कार्गो जहाज नेपालगञ्जबाट १२ः४५ मा हुम्लाका लागि उडेको थियो। जहाजमा रहेका दुई पाइलट र एक एयर होस्टेस सुरक्षित छन्।