चितवन- प्रहरीले सामाजिक सञ्जालको दुरुपयोग गरी प्रहरी प्रधान कार्यालय, साइबर ब्युरोको नक्कली फेसबुक पेज बनाएको आरोपमा चितवनका युवकलाई पक्राउ गरेको छ।
प्रहरी प्रधान कार्यालय साइबर व्युरोले मंगलबार एक जनालाई पक्राउ गरेको हो। पक्राउ पर्नेमा चितवन रत्ननगर नगरपालिका–५ झुवानीटोल बस्ने १८ वर्षीय करण महतो रहेका छन्।
महतोले साइबर ब्यूरोको नक्ककली फेसबुक पेज बनाएर सर्वसाधारणलाई झुक्यानमा पारी ठगी गर्ने अभिप्रायले उक्त पेजको दुरूपयोग गरेको ब्युरोले जनाएको छ। पक्राउ परेका उनीमाथि काठमाडौं जिल्ला अदालतले पाँच दिन म्याद थप गरी अनुसन्धान भइरहेको ब्युरोले जनाएको छ।