कति छ काठमाडौं उपत्यकाको बिहानी तापक्रम?

काठमाडौं- काठमाडौंमा आज बिहान पौने ६ बजेको तापक्रम ८ डिग्री सेल्सियस रहेको छ। मौसम पूर्वानुमान महाशाखाका अनुसार आज देशका कुनै पनि भूभागमा हिमपात तथा वर्षाको सम्भावना छैन। तर पनि चिसो बढ्दै गएको छ। 

बिहानी तापक्रम ८ डिग्री भए पनि दिउँसो बढेर १९–२० डिग्री सेलिसयससम्म पुग्ने मौसमविद् वरुण पौडेल बताए।

चिसो बढ्दै गएकाले बिहान र बेलुकाको समयमा सिचोबाट बच्न सतर्कता अपनाउनु पर्ने उनी बताउँछन्।

तराईका केही भूभागमा हुस्सु र कुहिरो लागेको छ। घाम लागेसँगै हट्दै जाने बरुण बताउँछन्। काठमाडौंमा हवाई उडान तथा अवतरणमा समस्या हुने गरी तुवाँलो लागेको छैन। 

यसैबीच, प्रदेश-१ को पहाडी भूभागमा तथा उच्च पहाडी र हिमाली भूभागमा आज बिहान हांशिक बदली रहेको छ। अन्य भूभागमा मौसम सामान्यतया सफा रहेको छ।        

आज दिउँसो प्रदेश-१, गण्डकी प्रदेश र लुम्बिनी प्रदेशका भूभागमा आंशिक बदली रही बाँकी  भूभागमा मौसम सामान्यतया सफा रहनेछ।

आज राति प्रदेश-१ र गण्डकी प्रदेशको पहाडी भूभागमा आंशिक बदली रहनेछ। बाँकी  भूभागमा मौसम सामान्यतया सफा रहनेछ।