पौडी खेल्ने क्रममा डुबेर चितवनमा एक जनाको मृत्यु

चितवन- चितवनको शक्तिखोरस्थित कयर खोलामा पौडी खेल्दै गरेका एक जनाको डुबेर ज्यान गएको छ।

चितवन जिल्ला प्रहरी कार्यालयका प्रहरी नायब उपरीक्षक (डीएसपी) नरहरि अधिकारीका अनुसार कालिका नगरपालिका-९ शक्तिखोरको कयर खोला बाँधमा पौडी खेल्न गएका १६ वर्षीय मनिष श्रेष्ठको आज दिउँसो डुबेर ज्यान गएको हो। 

प्रहरीले घटनाका सम्बन्धमा थप अनुशन्धान सुरू गरेको जनाएको छ।