नुवाकोटबाट भरुवा बन्दुकसहित एक जना पक्राउ

नुवाकोट- शिवपुरी गाउँपालिका-३ नयाँगाउँ नन्दी बस्ने ६० वर्षीय हर्क बहादुर तामाङलाई भरुवा बन्दुक २ थान र बारूद १ केजी सहित शुक्रबार दिउँसो प्रहरीले पक्राउ गरेको छ। 

उनको घरमा भरुवा बन्दुक लुकाई छिपाई राखेको भन्ने खबर प्राप्त हुनासाथ प्रहरी चौकी पाट्टीभञ्ज्याङबाट खटिएको प्रहरीले घर तलासी गर्दा लोड गरी राखिएको उक्त बन्दुक र बारुद फेला पारी उनलाई पक्राउ गरेको हो। यस सम्बन्धमा प्रहरीले थप अनुसन्धान गरिरहेको छ।