गोरखा र धादिङमा गरी दुई जना मृत फेला

काठमाडौं- गोरखा र धादिङमा गरेर दुई जना मृत फेला परेका छन्।

गोरखाको, धार्चे गाउँपालिका-५ लप्सिबोट घर भई चुमनुब्री गाउँपालिका-५ बिहिमा होटल गरी बस्ने ४१ वर्षीय पूर्ण बहादुर गुरुङ चुमनुब्री गाउँपालिका-५ स्थित पेवा र न्याक फेदीको बिच जङगलको बाटोमा शुक्रबार मृत अवस्थामा फेला परेका छन्। 

गत मंगलबार होटलबाट घर जान्छु भनी हिँडेका उनी घर नपुगेपछि खोजी गर्ने क्रममा उक्त स्थानमा शव फेला परेको हो।

धादिङ, निलकण्ठ नगरपालिका-२ भुलभुले बस्ने ७० वर्षीय टेक बहादुर थापा सोही ठाउँस्थित झ्यापुङ खोला नजिकैको भिरमा शुक्रबार मृत अवस्थामा फेला परेका छन्। वडा कार्यालय जान्छु भनी हिँडेका उनी घर फर्की नआएपछि खोजी गर्ने क्रममा उक्त स्थानमा शव फेला परेको हो। यस सम्बन्धमा प्रहरीले थप अनुसन्धान गरिरहेको छ।